இசை மகாசமுத்திரம் என்று மாபெரும் இசை மேதைகளாலும், அறிஞர்களாலும் போற்றப்பட்ட விளாத்திகுளத்தில் பிறந்த இசை மாமேதை நல்லப்பசுவாமிகளின் 135-வது பிறந்தநாள் இன்று இசை அன்பர்கள் கொண்டாடி வருகின்றனர்.
சுவாமிகளின் பிறந்தநாளை முன்னிட்டு அவர் பிறந்த இடமான விளாத்திகுளத்தில் அமைக்கப்பட்டுள்ள நினைவு ஸ்தூபி அருகே வைக்கப்பட்டுள்ள திருவுருவப்படத்திற்கு விளாத்திகுளம் சட்டமன்ற உறுப்பினர் திருமிகு G.V.மார்கண்டேயன் மற்றும் அரசியல் கட்சிப்பிரமுகர்கள் பலர் மாலை அணிவித்து மரியாதை செலுத்தினார்கள்.
விளாத்திக்குளம் சட்ட மன்ற உறுப்பினரோடு புதூர் கிழக்கு ஒன்றிய செயலாளர் எம்.செல்வராஜ், விளாத்திகுளம் பேரூராட்சி மன்ற தலைவர் சூர்யா அய்யன்ராஜ், மாவட்ட ஊராட்சி குழு உறுப்பினர் ஞானகுருசாமி, ஒன்றிய குழு உறுப்பினர் சுமதி இம்மானுவேல், வார்டு செயலாளர் அய்யனார் உள்ளிட்டோர் கலந்து கொண்டு மரியாதை செலுத்தினர்.
தகவல் உதவி: திரு.எம்.செல்வராஜ், தி.மு.க
