உலகின் முதன்முதாலக கட்டப்பட்ட அணை ஜோர்தான் நாட்டிலுள்ள ஜாவா அணை. இந்த அணை ஜோர்தான் தலைநகர் அம்மானின் வடகிழக்குத் திசையில் 100 கிலோமீட்டர் தொலைவில் கட்டப்பட்டது. புவி ஈர்ப்பு விசையால் செயல்படும் ஒரு அணையாக அறியப்பட்டது.
ஜாவா அணை கிமு 3000 ஆண்டுகளுக்கு (இன்றிலிருந்து 5000 ஆண்டுகளுக்கு முந்தையது) முந்தையதாக அறியப்படுகிறது. இந்த அணை தற்போது உபயோகத்தில் இல்லை. வரலாற்றுச் சின்னமாகக் கற்குவியலாகக் காட்சியளிக்கிறது.
இதற்கு அடுத்து எகிப்து நாட்டில் கெய்ரோவின் தெற்கே சுமார் 25 கிலோமீட்டர் தொலைவில் உள்ள வாடி அல்-கராவில் கிமு 2600 இல் கட்டப்பட்ட சட்-எல்-கப்பா அணை. தற்போது இடிபாடுகளோடு வரலாற்றுச் சின்னமாக உள்ளது. ஏமன் நாட்டில் கிரேட் டாம் ஆஃப் மெரிட் எனும் அணை கிமு 1700-இல் (3700 வருடங்கள் முந்தையது) கட்டப்பட்டு, தற்போது இடிபாடுகளோடு காட்சியளிக்கிறது.
இவ்வரிசையில் கரிகாலன் கட்டிய கல்லணையின் வயது 2100 ஆண்டுகள் ஆகிறது என்பது குறிப்பிடத்தக்கது.
