ஆளும்கட்சியான திராவிட முன்னேற்றக் கழகத்தில் ஒன்றிய, பேரூர்கழக மட்டத்திலான உட்கட்சித் தேர்தல் சமீபத்தில் நடந்து முடிந்துள்ளது. அதன்படி மாவட்ட, ஒன்றியக்கழகத்திற்கு தேர்ந்தெடுக்கப்பட்டுள்ள நிர்வாகிகள் பட்டியலை தலைமைக்கழகம் வெளியிட்டுவருகிறது. அதனடிப்பையில், கோவை கிழக்கு மாவட்டம் தொண்டாமுத்தூர் கிழக்கு ஒன்றிய துணைச் செயலாளராக ஆறுமுகக்கவுண்டனூரைச் சேர்ந்த திரு.செல்வக்குமார் அவர்கள் நியமனம் செய்யப்பட்டுள்ளார்.
திரு.செல்வக்குமார் அவர்களின் துணைவியார் திருமதி.ஜெயஸ்ரீ தொண்டாமுத்தூர் ஒன்றிய 8-வது வார்டு ஒன்றியக்குழு உறுப்பினராக பதவி வகித்து வருகிறார் என்பது குறிப்பிடத்தக்கது. திரு.செல்வக்குமார் அவர்களை இப்பதவிக்கு பரிந்துரை செய்த மாவட்டச் செயலாளர் சேனாதிபதி, மின்சாரத்துறை அமைச்சர் செந்தில்பாலாஜி அவர்களுக்கும் மற்றும் மாவட்ட, ஒன்றியக்கழக நிர்வாகிகள் அனைவருக்கும் இராஜகம்பள நாயக்கர் சமுதாய மக்களின் சார்பாக நன்றிகளைத் தெரிவித்துக் கொள்கிறோம்.
