தியாகிகள்

  • 21,126 visitors

தியாகிகள்

இன்னவா றடலாற்றி இவர்ஏறி  வருந்திறலை இகல்வெஞ் சேனை மன்னனறிந் துளங்கொதித்து மருவியயல் நின்ற இனத் தலைவர் தம்மை உன்னரிய பரிப்படையும் உயர்படையும் ஒருமுகமாய் ஒருங்கே யூக்கிச் சின்னபின்ன முறச்செய்து செருவாற்றும் எனச்சீறிச் சினந்து நின்றார்கள்தியாகிகள்அவர்கள் புகழ் வாழ்கவே

தியாகிகள் பக்கத்தில் சமுதாயத்திற்காக பாடுபட்ட தீரர்களை நினைவு கூர்வதில் பெருமை கொள்கிறோம். தொட்டியநாயக்கர் சமுதாய வரலாற்றில் ஜமீன்தார்களும், பெருநிலக்கிழார்களும் கோலோச்சிக்கொண்டிருந்த நேரத்தில், சமுதாயத்திற்கென்று ஒரு சங்கத்தை முதன்முதலில் சுதந்திரத்திற்கு முன் 1939-ல் தொடங்கிவைத்து, சமுதாய சேவை அவசியம் தேவை என்ற நிலையை உருவாக்கிய வலுக்கலொட்டி. மைனர்.திரு. பெருமாள்நாயக்கர் அவர்கள்.

இதை அடியொட்டி சமுதாயத்தின் மீது அக்கறை கொண்டவர்கள் ஒன்றிணைந்து சங்கங்கள், கல்வி அறக்கட்டளைகள் என பல்வேறு அமைப்புகளை தொடங்கியும், பலர் தங்களை அவ்வமைப்புகளில் இணைத்துக் கொண்டும், மற்றொரு பிரிவினர் அரசு வேலைகளில் இருந்து கொண்டும், சிலர் தனிப்பட்ட முறையிலும் என ஒவ்வொரு வரும் பல்வேறு நிலைகளில் இருந்து சமுதாயப் பணியை எந்தவித
பிரதி பலனுமில்லாமல் இந்த சமுதாயத்திற்கு சேவையாற்றி வந்துள்ளனர்.

அப்படியாக சிலர் தான், தன் குடும்பம் என்று வாழாமல், இந்த சமுதாயத்தை தன் குடும்பமாக நினைத்து, குடும்பம் துறந்து, சுக துக்கம் மறந்து, பொருளாதாரம் இழந்து, உழைத்ததே, முற்றிலும் வீழ்ந்துவிட்ட இச்சமூகம் மீண்டும் துளிர்விட்டு நம்பிகையளிக்க மூல காரணம் என்றால் மிகையல்ல. மன்னர்கள், பாளையக்காரர்கள், ஜமீன்தார்கள், பெருநிலக்கிழார்கள் என படிப்படியாக வீழ்ச்சியுற்ற சமுதாயம், சுதந்திரத்திற்குப் பின்  விவசாயமும் கைவிட்டபின், நாதியற்று கிடந்த சமுதாயத்தை, தங்களின் தனிப்பட்ட செல்வாக்கினாலும், பொருளாதார உதவியாளும், ஆளுகின்ற அரசின் கவனத்தை ஈர்த்து, இடஒதுக்கீடு, மாவீரனுக்கு கோட்டை, நினைவுச் சின்னம், சிலை, தபால்தலை, மாவட்டத்திற்கு பெயர்சூட்டல் என இன அடையாளங்களை மீட்டெடுத்ததால் மட்டுமே இன்று சொற்ப அளவிலாவது கல்வி, வேலைவாய்ப்பில் குறிப்பிடத்தக்க வகையில் முன்னேறியதுடன், சமூகத்தில் சமுதாயத்தின் அந்தஸ்தை இழக்காமல் கௌரவமாக நாம் வாழ முடிகிறது.

நம் ஒவ்வொருவரின் வெற்றியிலும் அவர்களின் உழைப்பும், வேர்வையும் மறைந்துள்ளதை, இன்றைய நாகரீக சமூகத்தில் வாழும் நாம் நன்றியுடன் நினைவில் கொள்ள வேண்டும். எதற்காக அவர்கள் எந்த பிரதி பலனும் பாராமல் இந்த சமுதாயத்திற்காக உழைத்தார்களோ, அதை இன்று அனுபவித்துக் கொண்டு வாழும் நாமும் இச்சமுதாயத்தின் விளிம்பு நிலை மனிதர்களுக்கு உதவுவதின் மூலம், நாமும் இவ்வுலகில் வாழ்ந்ததிற்கான அடையாளத்தை ஏற்படுத்த முடியும்.

தன்னலமற்ற உழைப்பும், சேவையும் ஒருநாளும் வீண்போகாது என்பதற்கு சிறந்த உதாரணமாக இந்த தியாகிகள் பக்கம் திகழ்கிறது. ஆம், அவர்கள் வாழ்ந்து மறைந்து பல ஆண்டுகள் இருந்திருக்கலாம். தங்கள் மறைவுக்குப் பின் இச்சமுதாயம் நினைவில் கொள்ளும் என்ற எண்ணம் கூட இல்லாமல் இருந்திருக்கலாம். ஏன், அவர்கள் குடும்பத்தினர், வாரிசுகள் கூட மறந்திருக்கலாம், ஆனால் இந்த சமுதாயம் மறக்கவில்லை என்பதை பறைசாற்றுகிறது இந்த தியாகிகள் பக்கம் என் பதில் பெருமை கொள்கிறோம்.

தகவல் தொழில் நுட்பம் வளராத அன்றையகாலத்தில் ஒரு சிலருக்கு மட்டுமே பத்திரிக்கைகள் மற்றும் தொடர் பயணங்கள் மூலம் சமுதாய அறிமுக வெளிச்சம் கிட்டியிருக்கும். குக்கிராமங்களில் வாழ்ந்து சமுதாய பணியாற்றிய பலரின் சேவைகள் இந்த உலகிற்கு இதுவரை தெரியாமலே இருந்திருக்கும். அவர்களின் சேவைகளையெல்லாம் போற்றி, நினைவு கூர்ந்து இந்த தியாகிகள் பக்கத்தில் இடம் பெற செய்ய வேண்டும் என்பதே பிரதானநோக்கம்.

எங்களுக்கு கிடைத்த ஒரு சிலரை மட்டுமே தொடக்க நிலையில் பட்டியலிட்டுள்ளோம். இன்னும் பலரை இப்பக்கத்தில் இடம் பெற செய்ய வேண்டும். அவர்களை பற்றிய விபரங்களை புகைப்படம் மற்றும் அவர்களின் சேவைகள் பற்றிய சிறுகுறிப்புகளை [email protected] என்ற மின்னஞ்சலுக்கு அனுப்பும் படி அன்புடன் கேட்டுக் கொள்கிறோம்.

சமுதாயப்பணியில் நம் முன்னோர்கள்- நினைவில் கொள்வோமாக – கரூர்.திரு.மல்லையன் அவர்கள்

சமுதாயப்பணியில் நம் முன்னோர்கள்- நினைவில் கொள்வோமாக – கரூர்.திரு.மல்லையன் அவர்கள்

அமரர்.திரு.S.மல்லையன் 1925-1989 அமரர்.திரு.S.மல்லையன் அவர்கள் 07.08.1925-ல் கரூர் மாவட்டம் அரவக்குறிச்சி அருகேயுள்ள கரடிபட்டி எனும் கிராமத்தில் செல்வாக்குமிக்க விவசாயக் குடும்பத்தில் திரு.சுப்பா நாயக்கர்- திருமதி.பழனியம்மாள் தம்பதியினருக்கு மகனாகப்...
Read More
உயர்திரு. மூக்காண்டி

உயர்திரு. மூக்காண்டி

உயர்திரு. மூக்காண்டி நாயக்கர் அவர்கள் 1930 ஆம் ஆண்டு தூத்துக்குடி மாவட்டம். விளாத்திகுளம் வட்டம். சேர்வைக்காரன்பட்டி கிராமத்தில், உயர்திரு. கஞ்சையை நாயக்கர் திருமதி. ராமக்கம்மாள் தம்பதியினருக்கு மகனாக...
Read More
திருமதி.ராஜாமணி முத்துசாமி

திருமதி.ராஜாமணி முத்துசாமி

அமரர்.திருமதி.ராஜாமணி அம்மாள் அவர்களின் வாழ்க்கை குறிப்பு பெயர் திருமதி.ராஜாமணி முத்துசாமி பிறந்த இடம் சித்திரைப்பட்டி, துறையூர் வட்டம், திருச்சிராப்பள்ளி மாவட்டம் தோற்றம் 03.08.1952 மறைவு 13.04.2015 பெற்றோர்...
Read More
திரு.கோதண்டராமன்

திரு.கோதண்டராமன்

பாஞ்சாலங்குறிச்சியை சொந்த ஊராகக்கொண்ட மறைந்த கோதண்டராமன் அவர்கள் பன்முகதிறமை கொண்டவர். மனுநீதி என்ற திரைப்படத்திலும், பல்வேறு தொலைக்காட்சி தொடர்களிலும் நடித்துள்ளார். க.சுப்பு அவர்களை அரசியல் குருவாக கொண்ட...
Read More
திரு.பொன்னுசாமி நாயக்கர்

திரு.பொன்னுசாமி நாயக்கர்

விளாத்திகுளம் மாப்பிள்ளைசாமி என்றழைக்கப்பட்ட பொன்னுசாமி நாயக்கர், விளாத்திகுளம் நல்லப்பசாமியின் உடன்பிறந்த தங்கதுரைச்சி அம்மாளின் மகன் ஆவார். இவர் ஆற்றிய சமுதாயப் பணிகள் கணக்கிலடங்காதவை. தேசகாவல் பணியை திறம்பட...
Read More
திரு.திக்விஜயசாமி

திரு.திக்விஜயசாமி

ஆதனூர் சாமி என்று அழைக்கப்பட்ட திக்விஜயசாமி அவர்கள், மிகச் சிறந்த வீரன். திருநெல்வேலி மாவட்டத்தில் நம்மின மக்களுக்கு பிரச்னை என்றால் களத்திற்கு சென்று போராடுபவர் மட்டுமல்ல, சட்டப்பிரச்னை...
Read More
திரு. ஶ்ரீ. இராஜகோபால்சாமி

திரு. ஶ்ரீ. இராஜகோபால்சாமி

கல்லூரணி சாமி என்றழைக்கப்பட்ட ஶ்ரீ. இராஜகோபால்சாமி அவர்கள், பாஞ்சாலங்குறிச்சி சக்கதேவி ஆலயக் கமிட்டியின் ஸ்தாபனர் ஆவார். பல்வேறு பிரச்னைகள் பாஞ்சையில் வந்தபோது, அவற்றை முன்னின்று ஒழுங்கு படுத்தியர்....
Read More
திரு.R.பாலுசாமி நாயக்கர்

திரு.R.பாலுசாமி நாயக்கர்

  அமரர்.திரு.R.பாலுசாமி நாயக்கர் : இராமநாதபுரம் மாவட்டம், கமுதி தாலுகாவில் உள்ள குண்டுகுளம் கிராமத்தில் பிறந்தவர். அங்கிருந்து இருந்து பிழைப்புதேடி, தனிஒருவனாக ஆந்திரா மாநிலம் நெல்லூர் நகருக்கு...
Read More
திரு.கே.ரங்கசாமி.Bsc.,

திரு.கே.ரங்கசாமி.Bsc.,

அமரர்.திரு.கே.ரங்கசாமி.Bsc., நாமக்கல் மாவட்டம் , இராசிபுரம் அருகேயுள்ள இராமநாயக்கன்பட்டியை சேர்ந்தவர். காவல்துறையில் தனது பணியைத்துவங்கிய இவர் டிஎஸ்பி ஆக பணிஓய்வு பெற்றார். நாமக்கல் தொட்டிய நாயக்கர் கல்வி...
Read More
திரு.எம்.நல்லப்பன், B.E.,

திரு.எம்.நல்லப்பன், B.E.,

அமரர்.திரு.எம்.நல்லப்பன், B.E.,: நாமக்கல் மாவட்டம், இராசிபுரம் அருகேயுள்ள இராமநாயக்கன்பட்டியை சேர்ந்தவர். எளிய விவசாயக்குடும்பத்தில் பிறந்து தமிழக நெடுஞ்சாலைத்துறையில் தலைமைப்பொறியாளராக பணியாற்றி ஓய்வு பெற்றவர். சமுதாய பணி செய்பவர்களுக்கு...
Read More

விளம்பர காட்சி பகுதி